محشي الكوسا

موضوع: محشي الكوسا الأربعاء أغسطس 14, 2013 6:48 am

( محشــــــي كوســــــــــا )

أتمنى يعجبكم مثل ما عجبني ..

المقادير للحشو:

2كوب أرز مصري مغسول ومنقوع بماء بارد
3 بصلات+2طماطم+فليفله وحده+حزمه بقدونس وكزبره+شبت مجفف أو طازج =كله نقطعه قطع صغيره.
بهارات مشكله +ملح+نص كوب زيت زيتون

الطريقه :
نحفر الكوسا ونضعه بماء وملح عسب ينظف وتروح منه المراره اذا فيه ..
واستخدمت 2حبه فليفله كامله وحشيته عسب النكهه المميزه من الفليفله الحلوا تتوزع .

بالجدر نصف شرائح من البطاطا بالقاع ونحشي الكوسا ونصفه وكذا نحشي الفليفله الحلوا.

ونضيف ماء التمر الهندي (الصبار) المركز حتى يطلع حامض طعم الكوسا, ومكعبين للنكهه وكيسين من الصلصه (معجون الطماطم) والملح ,,وحاول ما نكثر لأن بالحشو ملح وبمكعب الدجاج ملح .ونذوقه اذا يحتاج ملح إضافي ,, (والفلفل حسب الرغبه أنا ما سويت)
وكل الحشو الباقي (الأرز) نضيفه أيضاً = أنا أحب أزيد كميه الرز أو الحشوا لأنه لذيذ لما يطبخ بصلصة المحشي.

هنا شكل الكوسا أثناء الطبخ

ويقدم ساخناً (اذا ما كفاكم حموضة الصبار ضيفوا ليمون)
وبالهنا والعافيه

زوم لخاطر بطونكم أقصد عيونكم الحلوا

وممكن عمل بطاطا معاه أو طماطم أو باذنجان ويُحفر ويُحشى بنفس الحشوا

سويت بعدين طبق حلو سريع ولذيذ وخفيف ( علبة فواكه كبيره+كيس دريم ويب +علبتين جيلي توت+كيس بسكت)
عباره عن: طبقة جيلي بعد ما يجمد تضيفين طبقه دريم ويب وفوقه فواكه استوائيه معلبه وفوقه ما تبقى من دريم ويب تضيفين علبه بسكوت ماري وتخلطيه بالخلاط وبث
هالمقدار ل5 كاسات تكفي وشكله وطعمه حلو ,, مثالي للضيوف المفاجئين!!إللي يتصلو قبل ربع ساعه

((منقول))

السلام عليكم
محاشي رائعة شكرا لكي صديقتي